நீங்கள் தேடியது "இந்திய பெண்கள்"

புதுடெல்லி:

இந்திய மகளிர் கிரிக்கெட் அணி, ஜனவரி மாதம் முதல் நியூசிலாந்தில் சுற்றுப்பயணம் மேற்கொண்டு 3 ஒருநாள் போட்டி மற்றும் 3 டி20 போட்டிகளில் விளையாட உள்ளது. ஒருநாள் போட்டித் தொடர் ஜனவரி 24-ம் தேதி தொடங்குகிறது. ஆண்களுக்கான டி20 போட்டி தொடங்கும்போது பெண்களுக்கான டி20 போட்டியும் தொடங்க உள்ளது.

புதிதாக நியமிக்கப்பட்ட பயிற்சியாளர் டபிள்யூ.வி.ராமன் தலைமையின் கீழ் முதல் சர்வதேச தொடரில் விளையாட உள்ள இந்திய பெண்கள் கிரிக்கெட் அணி அறிவிக்கப்பட்டுள்ளது.
உலகப் போட்டியில் சொதப்பியதால் மிடில் ஆர்டர் பேட்டிங் வீராங்கனை வேதா கிருஷ்ணமூர்த்திக்கு நியூசிலாந்துக்கு எதிரான இரண்டு தொடர்களிலும் வாய்ப்பு வழங்கப்படவில்லை. அவருக்குப் பதில் மோனா மேஷ்ராம் அணியில் சேர்க்கப்பட்டுள்ளார். அதிவிரைவாக பந்துவீசக்கூடிய ஆல்ரவுண்டர் ஷிகா பாண்டே டி20 அணிக்கு திரும்பி உள்ளார்.

22 வயது நிரம்பிய டெல்லி வீராங்கனை பிரியா பூனியா, தற்போது நடைபெற்று வரும் சீனியர் பெண்கள் ஒருநாள் லீக் தொடரில் இரண்டு சதம் விளாசியதையடுத்து, அவர் இந்திய அணிக்கு தேர்வு செய்யப்பட்டுள்ளார். அவர் சர்வதேச டி20 போட்டியில் அறிமுகமாகிறார்.

ஒருநாள் போட்டித் தொடருக்கான அணி விவரம்:

மிதாலி ராஜ் (கேப்டன்), ஹர்மன்பிரீத் கவுர் (துணை கேப்டன்), ஸ்மிருதி மந்தனா, ஜெமிமா ரோட்ரிகஸ், பூனம் ராவத், தீப்தி ஷர்மா, ஹேமலதா, தானியா பாட்டியா (விக்கெட் கீப்பர்), மோனா மேஷ்ராம், ஏக்தா பிஷ்த், பூனம் யாதவ், ராஜேஷ்வரி கயாக்வாட், ஜுலன் கோஸ்வாமி, மன்சி ஜோஷி, ஷிகா பாண்டே.

டி20 போட்டித் தொடருக்கான அணி விவரம்:

ஹர்மன்பிரீத் கிவுர் (கேப்டன்), ஸ்மிரிதி மந்தனா (துணை கேப்டன்), மிதாலி ராஜ், தீப்தி ஷர்மா, ஜெமியா ரோட்ரிகஸ், அனுஜா பாட்டில், ஹேமலதா, மன்சி ஜோஷி, ஷிகா பாண்டே, தானியா பாட்டியா (விக்கெட் கீப்பர்), பூனம் யாதவ், ஏக்தா பிஷ்த், ராதா யாதவ், அருந்ததி ரெட்டி, பிரியா பூனியா. #INDvNZ #NewZealandTour

நியூயார்க்:

அமெரிக்காவில் இருந்து வெளிவருகிற ‘போர்ப்ஸ்’ பத்திரிகை, சர்வதேச அளவில் ஆய்வுகள் நடத்தி பணக்காரர்கள் பட்டியலை வெளியிட்டு வருகிறது. அந்த வகையில் ‘போர்ப்ஸ்’ வெளியிடுகிற பணக்காரர்கள் பட்டியல் உலக பிரசித்தி பெற்றது.

இப்போது ‘போர்ப்ஸ்’ பத்திரிகை, அமெரிக்காவில் சுயமாக உருவாகி பணக்காரர்களாகி இருக்கிற 60 பெண்களின் பட்டியலை தயாரித்து வெளியிட்டு உள்ளது.இந்த பட்டியலில் இந்திய வம்சாவளியை சேர்ந்த 2 பெண்கள் இடம் பெற்று இருக்கிறார்கள். அவர்கள், ஜெயஸ்ரீ உல்லால், நீரஜா சேத்தி ஆவார்கள்.57 வயதான ஜெயஸ்ரீ உல்லால், லண்டனில் பிறந்து இந்தியாவில் வளர்ந்தவர். அரிஸ்டா நெட்வொர்க்ஸ் என்ற கம்ப்யூட்டர் நெட்வொர்க் நிறுவனத்தின் தலைவராக உள்ளார். இவருடைய நிறுவனம் கடந்த ஆண்டு 1.6 பில்லியன் டாலர் (சுமார் ரூ.10,880 கோடி) வருவாய் ஈட்டி இருக்கிறது.

63 வயதான நீரஜா சேத்தி, சின்டெல் என்ற தகவல் தொழில் நுட்ப ஆலோசனை நிறுவனத்தின் துணைத்தலைவர் ஆவார். இவர் கணவர் பரத் தேசாயுடன் இணைந்து இந்த நிறுவனத்தை தொடங்கி நடத்தி வருகிறார்.

கடந்த ஆண்டு இந்த நிறுவனம் 924 மில்லியன் டாலர் (சுமார் ரூ.6,283 கோடி) சம்பாதித்து இருக்கிறது.

‘போர்ப்ஸ்’ பட்டியலில் ஜெயஸ்ரீ உல்லாலுக்கு 18-வது இடமும், நீரஜா சேத்திக்கு 21-வது இடமும் கிடைத்து உள்ளது.  #RichestSelfMadeWomen #ForbesList